Menu

Flydubai

ავიაკომპანიის საუკეთესო შემოთავაზებები Flydubai

ფასი 1 ზრდასრულ ადამიანზე ორმხრივი მიმართულებით

მაჩვენე ფილტრები

Get to know more about Flydubai

Flydubai

ფლაი-დუბაი ახალგაზრდა ავიახაზებია არაბთა გაერთიანებული საამიროებიდან. ავიახაზების მთავარი ოფისია დუბაის აეროპორტში. ფლაი-დუბაი სთავაზობს 95-ზე მეტი მიმართულებით იაფ ფრენებს ახლო აღმოსავლეთში, აფრიკაში, აზიაში და ევროპაში. ავიახაზების ფლოტი შედგება ბოინგის ტიპის თანამედროვე თვითმფრინავებისგან, მათ შორის ბოინგ 737 MAX 8, რომელსაც გადამყვანი ახლო აღმოსავლეთის ისტორიაში როგორც პირველი სთავაზობს. ფლაი-დუბაის შემოთავაზება 2 - ეკონომ და ბიზნეს კლასადაა გაყოფილი. ბორტზე არსებული თანამედროვე ტექნოლოგიების წყალობით გადამყვანი მომხმარებლებს გართობის მრავალ საშუალებას, კომფორტულ ფრენას და ბორტის ბარზე თუ სამზარეულოზე წვდომას სთავაზობს.

ბარგი

ბარგის რაოდენობა, რომლის წაღებაც ფლაი-დუბაით ფრენისას შეიძლება, ჯავშნის კლასზეა დამოკიდებული. ხელბარგისთვის როგორც ეკონომ ისე ბიზნეს კლასში განსაზღვრულია მაქსიმალური ზომები, რათა შესაძლებელი იყოს მათი მოთავსება სავარძლებს ზემოთ სათავსოში ან სავარძლის ქვეშ. ეკონომ კლასში ხელბარგის წონა და რაოდენობა უფრო ნაკლებია ვიდრე ბიზნეს კლასში. დამატებით ხელბარგთან ერთად შეგიძლიათ წაიღოთ ლეპტოპის ან ქალბატონების ერთი ჩანთა. დარეგისტრირებული ბარგის შემთხვევაში ორივე კლასში თითოეული მგზავრისთვის განკუთვნილია 3 ჩანთა, თუმცა ბარგის მაქსიმალური წონა განსხვავდება კლასის მიხედვით. უსაფრთხოების მიზნით ბარგში არ შეიძლება მაგალითად საშიში ნივთების, ლითიუმის ბატარეების, ცხოველების და იმ საქონლის გადატანა, რომლებიც არალეგალურია გაფრენის ან დაფრენის ქვეყნებში.

ჯავშნის კლასები

ფლაი-დუბაით ფრენები 2 კლასში შეიძლება - ეკონომ და ბიზნეს. კლასები განსხვავდება ერთმანეთისგან არა მხოლოდ ბილეთის ფასით და ბარგის რაოდენობით, არამედ ფრენის პირობებითაც. ეკონომ კლასში ერგონომიული სავარძლებია და ადგილები ფეხებისთვის დამატებითი ფართით ფასიანია. ფრენისას ხელმისაწვდომია ბარი სასუსნავებით და სასმელებით. ბიზნეს კლასი მომხმარებლებს სთავაზობს კომფორტულ ტყავის სავარძლებს 12 კაციან კაბინებში. ჯავშნისას შესაძლებელია ცხელი კერძების შეკვეთა, რომლებსაც ფრენისას შემოგთავაზებენ. ბიზნეს კლასი აგრეთვე უზრუნველყოფს კეთილმოწყობას აეროპორტში: უფრო სწრაფ რეგისტრაციას მხოლოდ ბიზნეს კლიენტებისთვის, ბარგის აღებას და ცალკე გასასვლელებს. ზოგიერთ აეროპორტში შესაძლებელია სპეციალური, ბიზნეს კლასის მოსაცდელების გამოყენება.

ონლაინ რეგისტრაცია

ონლაინ რეგისტრაცია შესაძლებელია მხოლოდ კონკრეტული აეროპორტიდან ფრენების შემთხვევაში. მისი გავლა საჭიროა გაფრენამდე 24 საათიდან 90 წუთამდე. ონლაინ რეგისტრაცია შეუძლებელი იქნება თუ ბილეთების ჯავშანს გადავიხდით სადებეტო ან საკრედიტო ბარათით. უნდა გვახსოვდეს, რომ ონლაინ რეგისტრაციის გავლის შემდეგ ჯავშანში ცვლილებებს ვეღარ შევიტანთ. რეგისტრაციისას ადგილების შერჩევაა საჭირო და შემდეგ ჩასხდომის ბარათის ამობეჭდვა. ზოგიერთ რეისებზე ხელმისაწვდომია მობილური აპლიკაციების ჩასხდომის ბარათები. ასეთ სიტუაციაში ბარათი იგზავნება ბმულის სახით ესემესის საშუალებით და მისი შენახვა შეიძლება ტელეფონში ან პლანშეტში. იმის მიუხედავად მობილურ თუ ქაღალდის ჩასხდომის ბარათს ავირჩევთ, აეროპორტში საკმარისად ადრე მისვლაა საჭირო. ონლაინ რეგისტრაცია გაამარტივებს აეროპორტის პროცედურებს.

ფლოტი

ამ დრომდე მოკლე დროის საქმიანობის მიუხედავად, ფლაი-დუბაი კარგად ვითარდება, რაც ნათლად ჩანს ფლოტის მაგალითზე. შედგება ძირითადად ბოინგ 737-800-ებით, განსაკუთრებით აღნიშვნის ღირსია ბოინგ MAX 8. ეს თვითმფრინავი უახლესი ტექნოლოგიითაა აღჭურვილი, რაც კომფორტული და ეკონომიური ფრენის საშუალებას იძლევა და რომელიც ავიახაზებმა იყიდა როგორც პირველმა ახლო აღმოსავლეთში. უახლოეს მომავალში ფლოტის სიდიდე საგრძნობლად გაიზრდება - 2018 წლის მარტში შეკვეთილი თვითმფრინავების რაოდენობამ 4-ჯერ გადააჭარბა ავიახაზების მიერ არსებული თვითმფრინავების რაოდენობას. შეკვეთილ მანქანებს შორის, ბოინგ MAX 8-ის გარდა ფიგურირებს აგრეთვე მოდელები MAX 9 და MAX 10 რომლებიც ფლაი-დუბაის სახელს გაამყარებენ როგორც თანამედროვე, განვითარებაზე ორიენტირებული ავიახაზები, რომელიც ზრუნავს არა მხოლოდ მგზავრების კომფორტზე, არამედ გარემოზეც. 

აეროპორტი დუბაი

აეროპორტი დუბაიში მთავარი აეროპორტია არაბთა გაერთიანებული საამიროებში. განლაგებულია ქალაქის ცენტრიდან 5 კმ ჩრდილოეთში. აეროპორტი მსოფლიოში პირველ ადგილზეა როგორც ყველაზე დიდი საერთაშორისო მოძრაობის მქონე. მის შემადგენლობაშია სამი ტერმინალი, რომელთაგანაც ყველაზე ახალგაზრდა და თანამედროვეა 3-ე ტერმინალი. ეს მრავალსართულიანი შენობაა, სადაც განთავსებულია პირველი და ბიზნეს კლასის მოსაცდელი, რესტორნები, პარკინგები და მაღაზიები. აეროპორტიდან ქალაქში ჩასვლა შეიძლება ნაქირავები მანქანით, ტაქსით. მეტროთი ან ავტობუსით.

კვება

კვების ასარჩევი ვარიანტები ფლაი-დუბაის თვითმფრინავებში დამოკიდებულია ფრენის კლასზე და ხანგრძლივობაზე. ბიზნეს კლასში ყოველთვისაა შესაძლებელი ცხელი კერძის შეკვეთა. ანალოგიურადაა იმ ეკონომ კლასის ფრენების შემთხვევაში, რომლებიც 90 წუთზე დიდხანს გრძელდება. საკვები გაფრენამდე საკმარისად ადრე უნდა შეუკვეთოთ, ყველაზე კომფორტული კი ამის ონლაინ გზით გაკეთებაა. შეკვეთილის შევლა შეუზღუდავად შეიძლება. ბორტის მენიუ შეესაბამება მგზავრთა უმრავლესობის გემოვნებას, რადგან შედგება მსოფლიოს სამზარეულოს კერძებისგან. ცხელი კერძების მომსახურება ხდება წყალთან ერთად. ნებისმიერი ფრენისას ბორტზე შეიძლება მსუბუქი საჭმლის და სასმლის შეკვეთა. ეკონომ კლასის ფრენებისას, რომლებიც 90 წუთზე ნაკლებ ხანს გრძელდება, მხოლოდ მსუბუქი საჭმლის და სასმელის შეკვეთაა შესაძლებელი. 

დამატებითი სერვისები

ყველა კლასის ფრენებში სთავაზობს გადამყვანი დამატებით სერვისებს. ეკონომ კლასში გასართობი პაკეტის შეძენით შეიძლება სასიამოვნო ფრენის უზრუნველყოფა. თითოეული სავარძელი თვითმფრინავში აღჭურვილია სენსორული, HD მონიტორებით, რომლებშიც ფილმების და სატელევიზიო პროგრამების ყურებაა შესაძლებელი, აგრეთვე თამაში და მუსიკის მოსმენა. ბიზნეს კლასი დამატებით აღჭურვილია დენის წყაროებით. ყველა ფრენის დროს ხელმისაწვდომია საბორტო Wi-Fi. მგზავრის საჭიროებიდან გამომდინარე ავიახაზები გვთავაზობენ ინტერნეტის სხვადასხვა პაკეტებს: 30 წუთიანი მხოლოდ ინტერნეტ კომუნიკატორებისთვის ან მხოლოდ გასართობი სერვისებისთვის, მაგალითად ფილმების საიტებისთვის. მათთვის, რომელთაც სურვილი აქვთ იყვნენ ონლაინ მთელი ფრენის განმავლობაში, განსაზღვრულია სპეციალური პაკეტი ყველა ინტერნეტ სერვისისთვის.